काठमाडौं । भूराजनीतिक तनावका कारण साइबर खतरामा वृद्धि भएका कारण विश्वमा अहिले साइबर बीमा सबैभन्दा बढी खोजिने कभरेज बनेको छ।
ग्लोबलडाटाका अनुसार सन् २०२५ को तेस्रो त्रैमासिकमा साइबर बीमाको भर्डिक्ट मिडिया साइटहरुमा गरिएको डाटा र एनालिटिक्स फर्मको पछिल्लो सर्वेक्षणले पत्ता लगायो कि २७.४ प्रतिशत उत्तरदाताले साइबर बीमाको मागमा सबैभन्दा बढी वृद्धि हुने विश्वास गरेको छ। यसपछि २५ प्रतिशत राजनीतिक जोखिम बीमा, २३.८ प्रतिशत आपूर्ति शृंखला बीमा र १३.१ प्रतिशत व्यापार अवरोध बीमा रहेको छ। यस निष्कर्षले डिजिटल सुरक्षा जोखिमहरु अब परम्परागत राजनीतिक र सञ्चालन जोखिमहरुलाई उछिनेको संकेत गर्छ।
ग्लोबलडाटाका बीमा विश्लेषक चार्ली हचरसनले रुस–युक्रेन युद्धसहित चलिरहेको द्वन्द्वहरु पूर्वाधार र कर्पोरेट नेटवर्कहरुलाई लक्षित गर्ने समन्वित साइबर अभियानहरुमा बढेको बताए। ‘मध्यपूर्वमा बढ्दो तनावले राज्य–प्रायोजित र हाइब्रिड साइबर आक्रमणहरुमा पनि वृद्धि भएको छ, जुन क्षेत्रीय द्वन्द्वभन्दा बाहिर विस्तार हुँदैछ’, उनले भने, ‘संस्थाहरुले साइबर घटनाहरु पृथक आपराधिक समूहहरुको सट्टा भूराजनीतिक तनाव र राष्ट्र–राज्य अभिनेताहरुद्वारा बढ्दो रुपमा प्रेरित भइरहेको कुरा स्वीकार गरिरहेका छन्।’
चार्लीका अनुसार खतराहरुले आपूर्ति शृंखलाहरु विघटन गर्न सक्छन्, सञ्चालन लचिलोपनलाई कमजोर बनाउन सक्छन् र प्रतिष्ठालाई क्षति पुर्याउन सक्छन्। ‘यसले परम्परागत बीमा प्रस्तावहरुमा कमजोरीहरु उजागर गर्दछ’, उनले भने, ‘फलस्वरुप साइबर बीमा जोखिम स्थानान्तरणका लागि एक आवश्यक उपकरण बन्दै गइरहेको छ।’
चार्लीका अनुसार बीमा कम्पनीहरुले साइबर उत्पादनहरुको बढ्दो मागको सामना गरिरहेका छन्। ‘जुन वास्तविक समय खतरा अनुगमनदेखि उल्लंघन पछि छिटो रिकभरीसम्म कभरेजमा स्पष्ट छन् र लचिलोपनलाई प्रवद्र्धन गर्न बढी सक्रिय छन्’, चार्लीले भने।
ग्लोबलडाटाको प्रतिवेदनअनुसार धेरै क्षेत्रमा बजेट कटौतीका साथ खरिददारहरुले घटना हुनुअघि र पछि दुवै ठोस मूल्य प्रदान गर्ने पोलिसीहरु खोज्नेछन्। ‘सरकारहरु र साइबर सुरक्षा विशेषज्ञहरुसँग नजिकबाट काम गर्ने र जोखिम मूल्यांकन र कर्मचारी प्रशिक्षण जस्ता रोकथाम उपायहरुमा ध्यान केन्द्रित गर्ने बीमा कम्पनीहरु आफ्नो साइबर पोर्टफोलियोहरु बढाउन राम्रो स्थितिमा हुनेछन्’, प्रतिवेदनमा भनिएको छ।
