काठमाडौं । सुनको भाउमा लगातार पहिरो गइरहेको छ। नेपाली बजारमा आज सोमबार फेरि सुनको भाउ तोलामा २ हजार रुपैयाँले घटेको हो।
नेपाल सुनचाँदी व्यवसायी महासंघका अनुसार आज प्रतितोला छापावाल सुन २ लाख ३९ हजार ९०० रुपैयाँ कायम भएको छ। हिजो प्रतितोला २ लाख ४१ हजार ९०० रुपैयाँमा कारोबार भएको छ।
सुनको भाउ हिजो आइतबार पनि तोलामा ११ हजार ६०० रुपैयाँले घटेको थियो। यो २ दिनमा सुनको भाउ तोलामा १३ हजार ६०० रुपैयाँले घटिसकेको छ।
उता चाँदीको भाउ पनि आज तोलामा ३५ रुपैयाँले घटेर २ हजार ९८० रुपैयाँ कायम भएको छ। हिजो तोलामा २६५ रुपैयाँले घटेर चाँदी ३ हजार १५ रुपैयाँमा किनबेच भएको थियो।
