काठमाडौं । जेनजी आन्दोलनका क्रममा भदौ २४ गते होटेल परिसरमा तोडफोड र अराजक गतिविधि भएपछि हायात रिजेन्सीले आफ्नो सेवा अनिश्चितकालका लागि बन्द गर्ने घोषणा गरेको छ।
होटेलका मानव संसाधन निर्देशक मोहम्द यूसुफ चौधरीद्वारा शुक्रबार जारी गरिएको सूचनामा आन्दोलनका क्रममा भएको क्षति र सुरक्षाजन्य संवेदनशीलताका कारण होटेल तत्काल सञ्चालन गर्न नसकिने उल्लेख गरिएको छ।
यसअघि नै जेनजी आन्दोलनका क्रममा भदौ २४ गते नक्सालको पाँच तारे होटेल हिल्टनमा आगजनी पछि अनिश्चितकालका लागि बन्द भइसको छ। होटलका विदेशी कामदार आगलागीको एक महिनापछि यसैसाता भारत फर्किएका छन् ।
