काठमाडौं । नेपाली बजारमा आज सुनको भाउ ऐतिहासिक उचाईबाट घटेको छ । नेपाल सुनचाँदी व्यवसायी महासंघका अनुसार आज सुनको भाउ तोलामा ४८ सय रुपैयाँले घटेको छ। योसँगै प्रतितोला छापावाल सुन २ लाख ५३ हजार २ सय रुपैयाँ कायम भएको छ । गत शुक्रबार सुन तोलामा २ लाख ५८ हजार रुपैयाँ कायम भएको थियो । यो मूल्य हालसम्मकै उच्च थियो ।
आज चाँदीको भाउ पनि तोलामा ७५ रुपैयाँले घटेको छ । यससँगै आज चाँदी ३ हजार २७५ रुपैयाँ कायम भएको छ। गत शुक्रबार तोलामा चाँदी ७५ रुपैयाँले नै बढेर ३ हजार ३५० रुपैयाँमा कारोबार भएको थियो।
