काठमाडौं । छिमेकी मुलुक भारतको उत्तर प्रदेशस्थित लखनऊमा एउटा अचम्मलाग्दो घटना प्रकाशमा आएको छ।
लखनऊको हजरतगंज प्रहरीचौकी क्षेत्रमा एक महिलाले २५ लाख भारतीय रुपैयाँको बीमा दाबी प्राप्त गर्न आफ्नो जीवित पतिलाई मृतकका रुपमा प्रस्तुत गरिन्। त्यसपछि उनले बीमा कम्पनीबाट भारु २५ लाखको दाबी गरिन्।
पतिले अर्को शाखामा नयाँ पोलिसीको लागि आवेदन दिन गएपछि यो घटना प्रकाशमा आएको हो। प्रहरीले अदालतको आदेशमा मुद्दा दायर गरेको छ।
एक महिलाले हजरतगंजको शाहनजफ रोडमा रहेको अविभा लाइफ इन्स्योरेन्स कम्पनीमा नक्कली मृत्यु प्रमाणपत्र र अन्य कागजात पेस गरिन्। उनले आफ्नो पतिको नाममा भारु २५ लाखको बीमा पोलिसी दाबी गरिन्।
कम्पनीले ती महिलालाई रकम भुक्तानी गर्यो र कम्पनी शंकारहित रह्यो। पति नयाँ बीमा पोलिसीका लागि आवेदन दिन अर्को शाखामा गएपछि यो घटना प्रकाशमा आयो। कम्पनीले ती व्यक्तिाको कागजात जाँच गर्दा उनलाई पहिले नै उनको नाममा मृत घोषित गरिएको पत्ता लाग्यो।
यो कुरा बाहिर आएपछि कम्पनीले अनुसन्धान सुरु गर्यो। कम्पनीले ती महिलाले उपलब्ध गराएका सबै कागजातहरूको जाँच गर्दा नक्कली भएको पायो। कम्पनीका एक वरिष्ठ कार्यकारीले अदालतमा प्रतिवेदन पेस गरे। अदालतको आदेशपछि हजरतगंज प्रहरीले महिलाविरुद्ध मुद्दा दायर गर्यो। यसैबीच हजरतगंज प्रहरीले यस विषयमा अनुसन्धान भइरहेको र यस ठगीमा संलग्न अपराधीहरुरूको पहिचान भइरहेको जनाएको छ।
कम्पनीका अनुसार जानकीपुरम सेक्टर एफका निवासी रविशंकरले डिसेम्बर ५, २०१२ मा भारु २५ लाखबराबरको बीमा पोलिसी निकालेका थिए। अप्रिल ९ मा उनकी पत्नी केश कुमारीले आफ्नो पतिको मृत्यु दाबी गरिन् र कम्पनीबाट दाबी पेस गरिन्। कम्पनीले अप्रिल २१, २०२३ मा एनईएफटीमार्फत केश कुमारीको खातामा भारु २५ लाख स्थानान्तरण गर्यो। त्यसको केही समयपछि जब पतिले बन्धन बैंक शाखामा नयाँ पोलिसीका लागि आवेदन दिए तब कम्पनीले थाहा पायो कि उनी जीवित छन्।
कम्पनीले अप्रिल १७, २०२५ मा हजरतगंज प्रहरी चौकीमा उजुरी दर्ता गर्यो। कुनै कारबाही नभएपछि कम्पनी अदालत गयो। अब अदालतको आदेशमा मुद्दा दायर गरिएको छ।
