काठमाडौं । नेपाली बजारमा आज सुन चाँदीको भाउले नयाँ कीर्तिमान बनाएको छ। नेपाल सुनचाँदी व्यवसायी महासंघका अनुसार आज सुनको भाउ तोलामा १२ सय रुपैयाँ बढेको छ। योसँगै प्रतितोला छापावाल सुन २ लाख ३९ हजार २ सय रुपैयाँ कायम भएको छ। यो मूल्य हालसम्मकै उच्च हो।
हिजो सुन प्रतितोला २ लाख ३८ हजार रुपैयाँमा कारोबार भएको थियो ।
आज चाँदीको भाउ पनि बढेको छ । आज चाँदी तोलामा ७० रुपैयाँले बढेको हो । यससँगै आज चाँदी तोलामा ३ हजार २५ रुपैयाँ कायम भएको छ। हिजो चाँदी तोलामा २ हजार ९५५ रुपैयाँमा किनबेच भएको थियो।
