काठमाडौं । अल्बानियाको राजधानी तिरानामा अदालतको सुनुवाइका क्रममा गोली हानी एक न्यायाधीशको हत्या भएको छ।
अधिकारीहरुका अनुसार गोली लागेपछि न्यायाधीश एस्ट्रिट कालाहालाई अस्पताल लैजाँदै गर्दा बाटोमै मृत्यु भएको हो। सम्पत्ति विवादसँग सम्बन्धित सुनुवाइमा उपस्थित एक बुवा र छोरा पनि गोली हानी घाइते भएका छन्। तर, उनीहरुको अवस्था खतरामुक्त छ।
प्रहरीले ३० वर्षीय संदिग्धलाई पक्राउ गरेको छ। स्थानीय मिडियाले उनको नाम एल्विस श्खेम्बी रहेको जनाएको छ।
अल्बानियाका प्रधानमन्त्री एडी रामाले न्यायाधीशको मृत्युमा शोक व्यक्त गर्दै गोली चलाउने व्यक्तिविरुद्ध कडा कानुनी कारबाही हुने बताएका छन्।
