काठमाडौं । दसैँ बिदापछिको पहिलो कारोबार दिन मंगलबार शेयर बजार उच्च अंकले घटेको छ। यो दिन नेप्से परिसूचक ५८.५५ अंकले घटेर २६०४.९६ को विन्दुमा झरेको हो।
आज नेप्से उपसमूहमा रहेका १३ वटै समूहमा रातो पोतिएको छ। यो दिन अन्य समूह सर्वाधिक ४.८३ प्रतिशतले घटेको छ।
बजार घट्दा १६ कम्पनीको शेयरभाउमात्रै बढेको छ भने २३५ वटाको घटेको छ। यो दिन एउटा कम्पनीको शेयरभाउ स्थिर रहेको छ।
यो दिन बजारमा ४ अर्ब ६२ करोड ९० लाख रुपैयाँको कारोबार भएको छ। सर्वाधिक कारोबार युनियन हाइड्रोपावरको भएको छ।
उच्च कारोबार भएका १० कम्पनी
- युनियन हाइड्रोपावरः २८ करोड ३१ लाख रुपैयाँ
- नेपाल पुनर्बीमा कम्पनीः १९ करोड ४५ लाख रुपैयाँ
- हिमालयन रिइन्स्योरेन्सः १२ करोड ६१ लाख रुपैयाँ
- शिवम सिमेन्टः १२ करोड २३ लाख रुपैयाँ
- सिनर्जी पावरः ११ करोड ९९ लाख रुपैयाँ
- एनआरएन इन्फ्रास्ट्रक्चरः ११ करोड ५३ लाख रुपैयाँ
- मैलुङ खोला जलविद्युतः १० करोड ९६ लाख रुपैयाँ
- राधी विद्युतः १० करोड ४२ लाख रुपैयाँ
- सिक्लेस हाइड्रोपावरः १० करोड २४ लाख रुपैयाँ
- हिमालयन डिस्टिलरीः ९ करोड ७२ लाख रुपैयाँ
