काठमाडौं । एसिया प्रशान्त क्षेत्र र युरोपेली क्षेत्रका बीमा नियामकले आर्थिक वृद्धिदर बढाउन बीमा नियामकीय प्रवाधानलाई खुकुलो पर्दै सहयोग गरिरहेका छन्।
फिच रेटिङ्सका अनुसार विशेषगरी अस्ट्रेलियाले राम्रो सम्पत्ति दायित्व मिलानका लागि पुँजी परिवर्तनहरु घटाउने प्रस्ताव गरिरहेको छ। ‘अस्ट्रेलियाले वार्षिकी व्यवसायलाई अझ आकर्षक र किफायती बनाउँदैछ’, फिचले आफ्नो प्रतिवेदनमा भनेको छ।
त्यस्तै चीनले इक्विटी लगानीमा १० प्रतिशत कटौतीको पनि घोषणा गरेको छ। यो कदमले बीमा कम्पनीहरुलाई कर्पोरेट क्षेत्रमा थप पुँजी प्रदान गर्न प्रोत्साहित गर्ने र फलस्वरुप आर्थिक वृद्धिलाई बढावा दिने अपेक्षा गरिएको फिचले जनाएको छ।
पश्चिमी मोर्चामा युरोपेली आयोगले केही दीर्घकालीन इक्विटी लगानीको पुँजी शुल्क घटाउने प्रस्ताव गरेको छ।
अमेरिका र बेलायतका बीमा नियामकहरु जीवन बीमामा वित्त पोषित पुनर्बीमा सन्धिहरुको बढ्दो प्रयोगका बारेमा चिन्तित रहेको बताइएको छ। ‘अमेरिकाले यस्ता सन्धिहरुमा सम्पत्ति र दायित्वको नगद प्रवाह मिलान सुनिश्चित गर्न सम्पत्ति पर्याप्तता परीक्षण पेस गरेको छ’, फिचले भनेको छ, ‘जब कि बेलायतले वित्त पोषित पुनर्बीमामा नियमन कडा पार्ने सम्भावना छ।’
