काठमाडौं । पूर्वन्यायाधीश सुशीला कार्की नेतृत्वको अन्तरिम सरकारले असोज १ गते (बुधबार) शोक दिवस मनाउने निर्णय गरेको छ।
मन्त्रिपरिषदको आज बसेको बैठकले जेनजी आन्दोलनमा मृत्यु भएकाहरुको स्मृतिमा शोक दिवस मनाउने निर्णय गरेको हो। गृह र कानुनमन्त्री ओमप्रकाश अर्यालका अनुसार बुधबार (असोज १) शोक दिवस मनाउने र त्यस दिन सार्वजनिक बिदासमेत दिने मन्त्रिपरिषद्ले निर्णय गरेको छ।
बैठकले आन्दोलनमा ज्यान गुमाएकाहरुलाई राष्ट्रिय झन्डा ओड्याउने निर्णयसमेत गरेको छ। जेनजी आन्दोलनका क्रममा देशभर ७२ जनाले ज्यान गुमाएका छन्।
