काठमाडौं । जेनजी युवाको आन्दोलनमा मृत्यु भएकाहरुलाई सुशीला कार्की नेतृत्वको अन्तरिम सरकारले सहिद घोषणा गर्ने निर्णय गरेको छ।
आज पदभार ग्रहण गर्दै प्रधानमन्त्री कार्कीले जेनजी आन्दोलनमा ज्यान गुमाएकाहरुलाई सहिद घोषणा गर्ने निर्णय गरेकी हुन्। योसँगै मृतकका पीडित परिवारलाई सरकारले १० लाख रुपैयाँ दरले राहात दिने निर्णय पनि गरेको छ।
मुख्य सचिव एकनारायण अर्यालका अनुसार जेनजी आन्दोलनमा प्रदर्शनकारी ५९ जना, कैदीबन्दी १० जना र सुरक्षाकर्मी ३ जना गरी ७२ जनाले ज्यान गएका छन्।
हाल १३४ जना प्रदर्शनकारी र ५७ जना प्रहरी घाइतेको उपचार भइरहेको छ।
