काठमाडौैं । नेपाली सेनाले हालको परिस्थितिमा नेपाली सेनालाई जोडेर आएका विभिन्न भ्रामक र झुट्टा समाचारमा विश्वास नगर्न आमसर्वसाधारणलाई आग्रह गरेको छ।
नेपाली सेनाले आज एक विज्ञप्ति जारी गर्दै यस्तो आग्रह गरेको हो। ‘विद्यमान परिस्थितिमा नेपाली सेनालाई जोडेर विभिन्न प्रकारका टीकाटिप्पणी, धारणा र विश्लेषणहरु सम्प्रेषण भएका छन्’, विज्ञप्तिमा भनिएको छ, ‘तर, नेपाली सेनाले आफ्नो धारणा र गतिविधिहरु नियमित रुपमा प्रेस विज्ञप्ति, प्रेस नोट र आधिकारिक सामाजिक सञ्जालमार्फत सार्वजनिक गर्दै आएको छ। तसर्थ त्यस्ता भ्रामक र झुट्टा समाचारमा विश्वास नगर्न आग्रह गर्दछौँ।’
यसका साथै नेपाली सेनाले सूचना आदानप्रदानका लागि जनसम्पर्क तथा सूचना निर्देशनालयलगायत स्थानीयस्तरमा विभिन्न पृतना हेडक्वार्टरहरुसँग समन्वय गर्न सकिने जानकारी गराएको छ।
