काठमाडौं । काठमाडौं महानगरपालिकाका मेयर बालेन साहले अब देशको नेतृत्व जेनजी पुस्ताले नै गर्नुपर्ने बताएका छन्।
मेयर बालेनले भर्खरै फेसबुक स्टेटसमा यस्तो धारणा सार्वजनिक गरेका हुन्। उनले लेखेका छन्, ‘अब तपाइँको पुस्ताले नै देशको नेतृत्व गर्नुपर्छ।’
यो नितान्त जेनजीको आन्दोलन रहेको आफूहरुले स्पष्ट रुपमा भन्दै आएको पनि बालेनले भनेका छन्। ‘प्रिय जेनजी तपाइँहरुको हत्याराको राजीनामा आइसकेको छ। अब संयमित हुनुहोला’, उनले आग्रह गर्दै लेखेका छन्, ‘हामी अब संयमित हुनु जरुरी छ। किनकि देशको जनधनको क्षति भनेको तपाइँ हाम्रै सम्पत्तिको क्षति हो।’
बालेनले जेनजीलाई अबको बाटोका लागि तयार रहन पनि पनि सचेत गराएका छन्। ‘अब सेना प्रमुखसँग पनि वार्ता गर्न तयार हुनुहोला’, उनले लेखेका छन्।
