काठमाडौं । यूवा प्रदर्शनकारीले मंगलबार दिउँसो नयाँ बानेश्वरस्थित संसद भवनमा आगजनी गरिदिएका छन्।
सोमबार भएको प्रदर्शनका क्रममा संसद भवनमा तैनाथ सुरक्षाकर्मीले बर्बरतापूर्वक गोली प्रहार गर्दा कम्तीमा काठमाडाैंमा मात्र १२ जना प्रदर्शनकारी मारिएका थिए। चार सयभन्दा बढी घाइतेको अझै उपचार जारी छ।
गोली प्रहारको घटनाबाट आक्रोशित प्रदर्शनकारीहरूले बदलावस्वरूप कर्फ्यु आदेशको अवज्ञा गर्दै संसद भवनमा आगजनी गरिदिएका हुन्।
