काठमाडौं । प्रधानमन्त्री केपी शर्मा ओलीले सर्वदलीय बैठक बोलाएका छन्।
प्रधानमन्त्री ओलीले आज एक अपिल जारी गर्दै साँझ ६ बजे सर्वदलीय बैठक डाकेका हुन्। ‘हिजो राजधानी र देशको विभिन्न भागमा भएको प्रदर्शन र त्यसपछिको घटनाप्रति दुखी छु’, उनले भनेका छन्, ‘कुनै पनि रुपको हिंसा राष्ट्रको हितमा हुँदैन। शान्तिपूर्ण तथा संवादका माध्यमबाट समाधान खोज्ने परिपाटी नै अपनाउने विधि हो।’
उत्पन्न परिस्थितिको मूल्यांकन गर्न र सार्थक निष्कर्षका लागि सम्बद्ध पक्षसँग संवादमा रहेको प्रधानमन्त्री ओलीले उल्लेख गरेका छन्। ‘आजै साँझ ६ बजे सर्वदलीय बैठक आह्वानसमेत गरेको छु’, उनले भने।
