काठमाडौं । जेनजी आन्दोलनमा आज ठूलो मानवीय क्षति भएपछि नैतिकताका आधारमा गृहमन्त्री रमेश लेखकले राजीनामा दिएका छन्।
मन्त्रिपरिषदको आज साँझ बसेको बैठकमा लेखकले राजीनामा प्रधानमन्त्री केपी शर्मा ओलीसमक्ष बुझाएको हुन्। त्यसअघि लेखकले आफ्नो पार्टी नेपाली कांग्रेसलाई पदमा नबस्ने जानकारी गराएका थिए।
भ्रष्टाचार र बेथिती अनि सामाजिक सञ्जालमा अंकुश लगाउने कार्यविरुद्ध जेनजीले सरकारविरुद्ध आज प्रदर्शन गरेका थिए। काठमाडौंको प्रदर्शनमा सहभागी १७ जना र इहटरीको प्रदर्शनमा सहभागी २ जनाको मृत्यु भएको जानकारी बाहिर आएको छ। हालसम्म देशका विभिन्न अस्पतालमा साढे ३०० जनाभन्दा बढीको उपचार भइरहेको छ।
