काठमाडौं । धेरै पैसा कमाउने कसको चाहना हुँदैन र ! समस्या यो हो कि सबैजना सही योजना बनाउन सक्षम हुँदैनन्। धेरै मानिसले ठूलो नाफा प्राप्त गर्न पैसा कहाँ लगानी गर्ने भनेर सोध्छन्। लगानी यात्रा सुरु गर्नुअघि के गर्नु महत्वपूर्ण छ भनेर कसैले बताउँदैन ? आज यसका बारेमा कुरा गरौँ। लगानी सुरु गर्नुअघि यी ५ काम अवश्यक गर्नुपर्छ।
वित्तीय लक्ष्य निर्धारण
सबैभन्दा पहिले पैसाबाट के हासिल गर्न चाहना छ भनेर स्पष्ट हुनुपर्छ। अवकाशका लागि बचत गर्न, घर किन्न वा बच्चाहरुको शिक्षा। जब लक्ष्य स्पष्ट हुन्छ तब लगानीको बाटो छनौट गर्न सजिलो हुनेछ।
जोखिम वहन क्षमता
आफूले कति वित्तीय जोखिम वहन गर्न सक्छु भनेर बुझ्नु महत्वपूर्ण छ। यदि लगानी जोखिम क्षमताअनुसार छ भने बजारमा उतारचढाव आउँदा आत्तिनुपर्दैन।
पुराना ऋण चुक्ता
सबैभन्दा पहिले उच्च ब्याजदरको ऋण र क्रेडिट कार्डको बक्यौता तिर्नुपर्छ। ऋण घटेपछि लगानी कुनै पनि दबाब बिना बढ्नेछ।
आपतकालीन कोष
आपतकालीन कोषमा कम्तीमा ६ देखि १२ महिनाको खर्च राख्नुपर्छ। यो पैसा सजिलै निकाल्न सकिने हुनुपर्छ। यस्तो कोषले लगानीलाई कुनै पनि अचानक समस्याबाट जोगाउँछ।
लगानीका विकल्प
शेयर, म्युचुअल फन्ड, बन्ड र अन्य लगानी विकल्पका बारेमा जान्नुपर्छ। तिनीहरुको प्रतिफल, जोखिम र कति चाँडो पैसा निकाल्न सकिन्छ भनेर जान्नुपर्छ। यी सबैका बारेमा जानकारी प्राप्त गरेर मात्र राम्रा लगानी निर्णय गर्न सकिन्छ।
