काठमाडौं । इन्फिनिटी लघुवित्त वित्तीय संस्थाले गत आर्थिक वर्ष २०८१।८२ को चौथो त्रैमाससम्मको वित्तीय विवरण सार्वजनिक गरेको छ।
वित्तीय विवरणअनुसार गत आर्थिक वर्षमा संस्थाले ९ करोड ३७ लाख रुपैयाँ नाफा आर्जन गरेको छ। अघिल्लो आर्थिक वर्ष २०८०।८१ मा संस्थाले ४ करोड ५७ लाख रुपैयाँ नाफा आर्जन गरेको थियो। यो हिसाबले संस्थाको नाफा अघिल्लो वर्षको तुलनामा १०४.७१ प्रतिशतले बढेको छ।
समीक्षा वर्षमा संस्थाको वितरणयोग्य मुनाफा ८ करोड रुपैयाँ रहेको छ। अघिल्लो वर्ष संस्थाको वितरणयोग्य मुनाफा ४९ लाख रुपैयाँले ऋणात्मक थियो।
समीक्षा वर्षमा संस्थाको सञ्चालन मुनाफा बढेर १३ करोड ४० रुपैयाँमा भएको छ। अघिल्लो वर्ष सञ्चालन मुनाफा ४ करोड ९८ लाख रुपैयाँमा सीमित थियो। संस्थाको सञ्चालन मुनाफा पनि १७०.७७ प्रतिशतले बढेको छ।
गत आर्थिक वर्षमा संस्थाले ४० करोड ४९ लाख रुपैयाँ ब्याज आम्दानी गरेको छ। अघिल्लो वर्ष संस्थाले २९ करोड रुपैयाँ ब्याज आम्दानी गरेको थियो। ब्याज आम्दानी ३९.६४ प्रतिशतले बढेको छ।
चुक्तापुँजी ४९ करोड ७४ लाख रुपैयाँ रहेको संस्थाको रेटिन्ड अर्निङ र रिजर्भको आकार बढेर क्रमशः ८ करोड ३ लाख रुपैयाँ र २० करोड १७ लाख रुपैयाँको उचाइमा पुगेको छ। अघिल्लो वर्ष रिटेन्ड अर्निङ ४९ लाख १८ हजार रुपैयाँले ऋणात्मक थियो भने रिजर्भमा १९ करोड २५ लाख रुपैयाँ थियो।
समीक्षा वर्षमा संस्थाले ३ अर्ब ९७ करोड २ लाख रुपैयाँ सापटी लिएर ५ अर्ब ८३ करोड ८२ लाख रुपैयाँ कर्जा लगानी गरेको छ। अघिल्लो वर्ष संस्थाले ३ अर्ब २७ करोड १३ लाख रुपैयाँ सापटी लिएर ५ अर्ब १८ करोड ८३ लाख रुपैयाँ कर्जा लगानी गरेको थियो।
समीक्षा वर्षमा संस्थाको खराब कर्जा अनुपात (एनपीएल) घटेर ७.४३ प्रतिशतमा पुगेको छ। अघिल्लो वर्ष यही अवधिसम्म पनि संस्थाको एनपीएल १०.१९ प्रतिशत थियो।
संस्थाको वार्षिकीकृत प्रतिशेयर आम्दानी (ईपीएस) १०४.६७ प्रतिशतले बढेर १८.८५ रुपैयाँ कायम भएको छ। अघिल्लो वर्ष ईपीएस ९.२१ रुपैयाँमा सीमित थियो। पीई रेसियो ४६.१६ गुणा रहेको संस्थाको प्रतिशेयर नेटवर्थ १५६.६५ रुपैयाँ रहेको छ।
