काठमाडौं । सर्वसाधारणले निजी आवासीय घर निर्माण वा खरिद गर्न ३ करोड रूपैयाँसम्म कर्जा रकम पाउने भएका छन्।
नेपाल राष्ट्र बैंकले आर्थिक वर्ष २०८२।८३ को माैद्रिक नीतिमार्फत आवासीय कर्जाको सीमा बढाएर ३ करोड रूपैयाँ कायम गर्ने घोषणा गरेको छ। अहिले बैंक तथा वित्तीय संस्थाले निजी घर निर्माण वा खरिद गर्न ग्राहकलाई अधिकत्तम २ करोड रूपैयाँसम्म मात्र लागी गर्न सक्ने प्रावधान छ।
पहिलो घर र निर्माण खरिद गर्दा कर्जा मूल्य अनुपात बढीमा ८० प्रतिशतसम्म हुनेछ। यसबाहेक अन्यको हकमा बढीमा ७० प्रतिशतसम्म हुनेछ। अर्थात् पहिलो पटक खरिद गर्नेले ८० र दोश्रो वा पुनः खरिद गर्नेले मूल्याङ्कित सम्पत्तिको ७० प्रतिशतसम्म कर्जा प्राप्त गर्न सक्नेछन्।
बैंक तथा वित्तीय संस्थाले सुरक्षणवापत घरजग्गा रोक्का गरेर सर्वसाधारणलाई घर जग्गा खरिद गर्न कर्जा लगानी गर्छन् ।
