काठमाडौं । निर्जीवन बीमक एनएलजी इन्स्योरेन्सले चालू आर्थिक वर्षमा कुल ३ अर्ब रूपैयाँ कुल बीमाशुल्क संकलन गर्न सफल भएको छ।
इन्स्योरेन्सका अनुसार आर्थिक वर्ष पुरा हुन एक साता बाँकी छँदै ३ अर्ब रूपैयाँको लक्ष्य पुरा गर्न सफलता मिलेको हो। यो रकम गत आर्थिक वर्षको कुल बीमाशुल्क आम्दानीको तुलनामा १६.२८ प्रतिशत बढी हो।
इन्स्योरेन्सले गत आर्थिक वर्ष २०८०।८१ मा २ अर्ब ५८ करोड २३ लाख रूपैयाँ कुल बीमाशुल्क आर्जन गरेको थियो।
इन्स्योरेन्सको व्यापार बढाउन सहयोग र समर्थन गरेकोमा ग्राहक, कर्मचारी, सरोकारवाला र व्यवसायीक साझेदारहरूलाई प्रमुख कार्यकारी अधिकृत सुनिल वल्लभ पन्तले आभार व्यक्त गरेका छन्।
