काठमाडौं । नेपाल बीमा प्राधिकरणले आगामी आर्थिक वर्ष २०८२।८३ को वार्षिक बीमा नीति तथा कार्यक्रम सार्वजनिक गरेको छ।
काठमाडौंमा आज आयोजित पत्रकार सम्मेलनमार्फत प्राधिकरणका अध्यक्ष शरद ओझाले बीमा नीति तथा कार्यक्रम सार्वजनिक गरेका हुन्। प्राधिकरणको नीति तथा कार्यक्रममा बीमा सेवालाई विश्वसनीय, पारदर्शी, सर्वसुलभ र गुणस्तरीय बनाउँदै बीमितको हकहित संरक्षण गरिने उल्लेख छ।
यसका लागि मुख्यगरी ४ वटा कार्यनीति प्राधिकरणले अगाडि सारेको छ।
यस्ता छन् कार्यनीति
- प्रचलनमा रहेका बीमालेखका सर्त र सुविधा तथा अपवादको सहज जानकारी दिने प्रणालीको विकास गर्ने,
- डिजिटल भुक्तानी तथा वैकल्पिक वितरण प्रणालीमार्फत बीमा सेवालाई सर्वसुलभ बनाउने,
- बीमा क्षेत्रलाई पारदर्शीता अभिवृद्धिका लागि बीमकहरुमा पारदर्शीता ड्यासबोर्ड प्रणाली लागू गर्ने,
- बीमित हित संरक्षणका लागि कानुनी व्यवस्था गर्ने ।
