काठमाडौं । हिमालयन बैंकले एफपीओ निष्कासनको अनुमति पाएको छ। नेपाल धितोपत्र बोर्डले आज असार २२ गते हिमालयन बैंकलाई एफपीओ ल्याउन अनुमति दिएको हो।
धितोपत्र बोर्डले अनुमति दिएसँगै अब हिमालयन बैंकले १ अर्ब ५६ करोड ३३ लाख २९ हजार २६१ रुपैयाँबराबरको एफपीओ जारी गर्नेछ। जसअनुसार बैंकले १०० रुपैयाँ अंकित मूल्यमा ५७ रुपैयाँ प्रिमियम थपेर प्रतिकित्ता १५७ रुपैयाँमा एफपीओ बिक्री खुला गर्नेछ।
यसअघि हिमालयन बैंकले धितोपत्र बोर्डमा निवेदन दिँदा अंकित मूल्य १०० रुपैयाँमा प्रिमियम ६९ रुपैयाँ थपेर १६९ रुपैयाँ एफपीओ जारी गर्न अनुमति मागेको थियो। तर, धितोपत्र बोर्डले प्रिमियममा १२ रुपैयाँ घटाएर एफपीओ जारी गर्न अनुमति दिएको छ।
हिमालयन बैंकले कुल ९२ लाख ५० हजार ४६९ कित्ता एफपीओ जारी गर्नेछ। बैंकको एफपीओ बिक्री प्रबन्धकमा सिटिजन्स क्यापिटल रहेको छ।
