काठमाडौं । बैंकमा पैसा थुप्रिने क्रम रोकिएको छैन। कर्जाको माग कम र निक्षेप वृद्धि धेरै हुँदा बैंकहरुको औसत सीडी रेसियो ७८ प्रतिशतभन्दा कममा आएको छ।
नेपाल राष्ट्र बैंकको पछिल्लो तथ्यांकअनुसार असार १४ गते बैंकहरुको औसत सीडी रेसियो ७७.९१ प्रतिशत कायम भएको छ। बजारमा कर्जाको माग नभएको र आर्थिक गतिविधि सुस्त हुँदा बैंकमा तरलता थुप्रिने क्रम बढेको छ।
तथ्यांकअनुसार असार १४ गतेसम्म बैंकहरुको कुल निक्षेप निक्षेप ७० खर्ब ५८ अर्ब रुपैयाँ र कर्जा प्रवाह ५५ खर्ब ७६ अर्ब रुपैयाँ पुगेको छ। यो दिनसम्म वाणिज्य बैंकको कुल निक्षेप ६३ खर्ब १७ अर्ब रुपैयाँ र कुल कर्जा लगानी ४९ खर्ब ५६ अर्ब रुपैयाँ रहेको छ।
