काठमाडौं । अमेरिकी राष्ट्रपति डोनाल्ड ट्रम्पले, इजरायल र इरान बीचको १२ दिनदेखि जारी द्वन्द्व अन्त्य गर्ने उद्देश्यले “पूर्ण” युद्धविराम हुन लागेको दाबी गरेका छन् ।
इरानले सोमबार राती कतारको दोहास्थित अमेरिकी सैन्य आधारहरूमा बमबारी गरेको पृष्ठभूमीमा अमेरिकी राष्ट्रपतिबाट यस्तो दाबी सार्वजनिक भएको हो। ट्रम्पले सामाजिक सञ्जालमार्फत यस्तो जानकारी सार्वजनिक गरेका हुन् ।
उनले यूद्ध विरामको जानकारी सार्वजनिक गर्नु अघि दुबै पक्षले थप घातक आक्रमणको धम्की दिएका थिए। कतारको दोहामा मध्यपूर्वकै सबैभन्दा ठूलो अमेरिकी सैन्य शिविरहरू छन् ।
एजेन्सी फ्रान्स प्रेसका अनुसार, एक इरानी अधिकारीले तेहरान युद्धविराममा सहमत भएको पुष्टि गरे पनि इजरायलबाट अहिलेसम्म कुनै टिप्पणी आएको छैन।
यद्दपी तेहरान टाइम्सका अनुसार, ट्रम्पको घोषणालाइ इरानी अधिकारीहरूले झूठो भन्दै टिप्पणी गरेका छन् ।
इरानको संसदका सभामुखका सल्लाहकार महदी मोहम्मदी, अमेरिकी घोषणाप्रति प्रतिक्रिया दिने पहिलो व्यक्तित्वहरू मध्ये एक थिए। “अमेरिका र इजरायल झूट बोलिरहेका छन्। उनले सामाजिक सञ्जाल एक्समा लेखेका छन्, उनीहरू चाहन्छन् कि इरानले आफ्नो सुरक्षा कम गरोस् ताकि तिनीहरूले तनाव बढाउन सकून्,”।
तेहरान टाइम्सले लेखेको छ, इरान-इजरायल युद्ध जुन १३ देखि जारी छ। इजरायलले इरानको आवासीय भवनहरू र आणविक स्थलहरूमा अभूतपूर्व आक्रमणहरू सुरु गर्यो जब इरानीहरू वाशिंगटनसँग छैठाैं चरणको वार्तामा भाग लिन तयारी गरिरहेका थिए।
अमेरिकी राष्ट्रपति निवास ह्वाइट हाउसका एक वरिष्ठ अधिकारीले, इरानले थप आक्रमण नगरेसम्म इजरायल सहमत भएको थियो र ट्रम्पले इजरायली प्रधानमन्त्री बेन्जामिन नेतान्याहूसँगको फोनवार्तामा सम्झौतामा मध्यस्थता गरेको जानकारी दिएका थिए।
यद्यपि, क्षेत्रमा अझै शान्त देखिएन। इजरायली सेनाले इरानी राजधानी तेहरानका क्षेत्रका बासिन्दाहरूलाई दुई घण्टा भन्दा कम समयमा दुईवटा चेतावनी जारी गर्यो, एउटा सोमबार ढिलो र अर्को मंगलबार बिहान।
इरानको राजधानी तेहरानमा विस्फोटको नयाँ शृङ्खलाले हल्लायो: एएफपी पत्रकारहरू
एएफपी पत्रकारहरूका अनुसार मंगलबार बिहान तेहरानमा शक्तिशाली विस्फोटहरूको शृङ्खलाले हल्लायो। बिहान ३:०० बजे वरिपरि इरानको राजधानीको उत्तर र केन्द्रमा विस्फोट हुँदा युद्धविमानहरू माथिबाट गुन्जिए।
अमेरिकी राष्ट्रपति डोनाल्ड ट्रम्पको घोषणा अनुसार, इरानले एकतर्फी रूपमा सबै कार्यहरू रोकेको र युद्धविराम लागू हुनुभन्दा केही घण्टा अघि विस्फोटहरू भएका थिए।
