काठमाडौं । एयर इन्डियाले आइतबार ठूलो निर्णय गरेको छ। टाटा समूहको एयरलाइन्सले १९ रुटमा ११८ साप्ताहिक उडान घटाउनेछ। यी उडानसाना आकारका विमान (न्यारो–बडी)द्वारा सञ्चालन गरिन्छ।
यसका साथै एयर इन्डियाले तीन रुटमा हवाई सेवा अस्थायी रुपमा बन्द गर्ने निर्णय गरेको छ। एयर इन्डियाले पहिले ठूला आकारका विमानको अन्तर्राष्ट्रिय उडान १५ प्रतिशत घटाउने घोषणा गरेको थियो। यी सबै परिवर्तन केही समयका लागि मात्र गरिँदैछन्।
एयरलाइन्सले सम्पूर्ण नेटवर्कमा सञ्चालन स्थिर राख्न यो कदम चालिएको जनाएको छ। यसले यात्रुलाई अन्तिम क्षणको समस्याबाट बचाउनेछ।
एयर इन्डियाले एक विज्ञप्तिमा जारी गर्दै भनेको छ, ‘साना आकारका विमानको नेटवर्क ५ प्रतिशतभन्दा कम घटाउँदैछौँ।’ तीन रुटमा बन्द सेवा रहनेछ। १९ रुटमा उडान संख्या घटाइनेछ। यी परिवर्तन जुलाई १५ सम्म लागू हुनेछ।’
बेंगलुरु–सिंगापुर, पुणे–सिंगापुर र मुम्बई–बागडोग्रा रुटमा सात साप्ताहिक उडान बन्द रहनेछन्। यो प्रतिबन्ध कम्तिमा जुलाईको मध्यसम्म जारी रहनेछ। यसबाहेक दिल्ली–बेंगलुरु र दिल्ली–मुम्बई जस्ता केही विशेष घरेलु रुटमा पनि उडान संख्या घटाइनेछ।
एयर इन्डियाले उडान घटाउनुको उद्देश्य नेटवर्कभरि सञ्चालन स्थिर राख्नु रहेको जनाएको छ। यसले यात्रुलाई अचानक समस्याबाट जोगाउने एयरलाइन्सको भनाइ छ।
यसअघि एयर इन्डियाले बुधबार ठूला विमानको उडानमा १५ प्रतिशत कटौतीको घोषणा गरेको थियो। यसको कारण गत हप्ता एयर इन्डियाको बोइङ ७८७ ड्रीमलाइनर विमानसँग दुर्घटना भएको थियो। त्यसपछि सुरक्षा जाँच र सञ्चालनमा समस्या आएका थिए। –एजेन्सी
