काठमाडौं । अभियान लघुवित्त वित्तीय संस्थाले आफ्ना शेयरधनीहरुलाई लाभांश वितरण नगर्ने निर्णय गरेको छ।
संस्थाको सञ्चालक समितिको आज बसेको बैठकले आर्थिक वर्ष २०८०।८१ का लागि शेयरधनीहरुलाई लाभांश वितरण नगर्ने निर्णय गरेको हो। बैठकले उक्त आर्थिक वर्षको वित्तीय विवरण पारित गरेको छ।
अब संस्थाले वित्तीय विवरण स्वीकृतिका लागि नेपाल राष्ट्र बैंकमा पेस गर्नेछ। राष्ट्र बैंकले स्वीकृत गरेपछि उक्त वित्तीय विवरण संस्थाले आगामी वार्षिक साधारणसभाबाट अनुमोदन गर्नेछ।
