काठमाडौं । अत्यावश्यक सवारी चालक अनुमतिपत्र (लाइसेन्स) छपाइ कार्य ३ का लागि बन्द गरिने भएको छ।
यातायात व्यवस्था विभागले आज एक सूचना जारी गर्दै यसबारे जानकारी गराएको हो। विभागको स्मार्ट कार्ड प्रिन्टर मर्मत गर्नुपर्ने भएकोले यही जेठ २७ गतेदेखि जेठ २९ गतेसम्म अत्यावश्यक सवारी चालक लाइसेन्सको छपाइ कार्य बन्द गरिने विभागले जनाएको छ।
उक्त अवधिमा अत्यावश्यक सवारी चालक लाइसेन्स आवश्यक पर्ने सेवाग्राहीले जेठ २५ गतेअगावै निवेदन बुझाइ स्वीकृत भएको समेत यकिन गर्न विभागले आग्रह गरेको छ।
