काठमाडौं । अमेरिकी संघीय अदालतले राष्ट्रपति डोनाल्ड ट्रम्पको व्यापक ट्यारिफमा रोक लगाएको छ। यो निर्णय ट्रम्पको आर्थिक नीतिको एक महत्वपूर्ण भागका लागि ठूलो झट्का मानिएको छ।
अन्तर्राष्ट्रिय व्यापार अदालतले ह्वाइट हाउसद्वारा लागू गरिएको आपतकालीन कानुनले राष्ट्रपतिलाई लगभग हरेक देशमा कर लगाउने एकतर्फी अधिकार नदिने फैसला गरेको छ। म्यानहट्टनस्थित अदालतले अमेरिकी संविधानले कांग्रेसलाई अन्य देशसँग व्यापार गर्न विशेष अधिकार दिएको र अर्थतन्त्रको रक्षा गर्ने राष्ट्रपतिको जिम्मेवारीले यसलाई अतिक्रमण गर्न नसक्ने जनाएको छ।
ट्रम्प प्रशासन ह्वाइट हाउस फर्किएपछि अदालतले चीन, मेक्सिको र क्यानडामा लगाइएको छुट्टाछुट्टै करमा पनि प्रतिबन्ध लगाएको छ। केही मिनेटमै ट्रम्प प्रशासनले यस अदालतको निर्णयविरुद्ध पुनरावेदन दायर गरेको छ। –एजेन्सी
