काठमाडौं । नेपाल राष्ट्र बैंकको १८ औँ गभर्नरमा डा विश्वनाथ पौडेल नियुक्त भएका छन्।
बालुवाटारमा आज बसेको मन्त्रिपरिषदको बैठकले पौडेललाई गभर्नरमा नियुक्त गर्ने निर्णय गरेको हो। त्यसअघि गभर्नर सिफारिस समितिले पौडेलसहित कामु गभर्नर निलम ढुंगाना र पूर्वसचिव दिनेश भट्टराईलाई सिफारिस गरेको थियो। ढुंगाना र भट्टराईलाई पछि पार्दै पौडेल गभर्नर बन्न सफल भएका हुन्।
अब नयाँ बैंक नोटमा गभर्नर पौडेलको हस्ताक्षर चल्नेछ। पौडेलले आफ्नो हस्ताक्षरमा पूरा नामलाई अन्डरलाइनसहित दुई थोप्ला प्रयोग गर्ने गर्छन्। उनी नाममा डिको चाहिँ दिँदैनन्।
