काठमाडौं । शेयर बजार सोमबार दोहोरो अंकले उकालो लागेको छ। नेप्से परिसूचक १९.३० अंकले बढेर २६२८.३६ को विन्दुमा बन्द भएको हो।
बजार बढ्दा नेप्सेमा उपसमूहमा रहेका १२ वटा समूह बढेका छन् भने एउटा घटेको छ। यो दिन विकास बैंक समूह सर्वाधिक १.८८ प्रतिशतले बढ्दा होटल तथा पर्यटन समूह १.२४ प्रतिशतले घटेको छ।
यो दिन बजारमा १८५ कम्पनीको शेयरभाउ बढ्दा ६० वटाको घटेको छ। दुईवटा कम्पनीको शेयरभाउ भने स्थिर रहेको छ।
आज बजारमा ७ अर्ब ३५ करोड ८८ लाख रुपैयाँ बढीको कारोबार भएको छ। सर्वाधिक कारोबार राधी विद्युतको भएको छ।
उच्च कारोबार भएका १० कम्पनी
- राधी विद्युतः ५९ करोड ७६ लाख रुपैयाँ
- नेपाल पुनर्बीमा कम्पनीः ५१ करोड ७ लाख रुपैयाँ
- हिमालयन रिइन्स्योरेन्सः ४१ करोड ७ लाख रुपैयाँ
- ङादी ग्रुप पावरः २७ करोड ३९ लाख रुपैयाँ
- युनिभर्सल पावरः २४ करोड ९३ लाख रुपैयाँ
- चन्द्रागिरी हिल्सः २३ करोड ६७ लाख रुपैयाँ
- एनआरएन इन्फ्रास्ट्रक्चरः २० करोड २१ लाख रुपैयाँ
- सोल्टी होटलः १९ करोड २७ लाख रुपैयाँ
- सानिमा माई हाइड्रोपावरः १५ करोड ८३ लाख रुपैयाँ
- गार्डियन माइक्रो लाइफः १४ करोड ८३ लाख रुपैयाँ
