काठमाडौं । भारतमा मानसिक स्वास्थ्य बीमाको दाबी ५० प्रतिशतले बढेको छ।
पोलिसीबजारका अनुसार भारतमा पछिल्लो २ वर्षमा मानसिक स्वास्थ्य बीमाको दाबी ३० प्रतिशतबाट बढेर ५० प्रतिशत पुगेको हो। मानसिक स्वास्थ्य बीमाको दायरा पनि अघिल्लो वर्षको तुलनामा यो वर्षको अवधिमा ४१ प्रतिशतले बढेको छ। मानसिक स्वास्थ्य बीमासम्बन्धी जनचेतना अभिवृद्धि भएसँगै यसको दायरा र दाबी बढेको पाइएको छ।
पछिल्लो समय युवामा कार्यालयमा कामको चाप, अनिद्रा र अन्य कारणले मानसिक समस्या देखिँदै आएको छ। मानिसक स्वास्थ्य बीमा गराउनमा धेरैजसो २५ वर्षदेखि ३५ वर्षका युवा छन्।
भारतमा पछिल्लो समय डिजिटल मानसिक स्वास्थ्य प्लेटफर्म र थेरापी एपमा युवाको आबद्धता बढ्दै गएको छ। –एजेन्सी
