काठमाडौं । तेह्रथुम पावरले हकप्रद शेयर जारी गर्न बुक क्लोजको मिति तय गरेको छ।
कम्पनीले आउँदो जेठ ५ गते बुक क्लोज गर्ने निर्णय गरेको हो। यसको अर्थ जेठ जेठ ४ गतेसम्म कायम शेयरधनीहरुमात्रै यो कम्पनीको हकप्रद शेयर भर्न पाउनेछन्।
कम्पनीले नेपाल धितोपत्र बोर्डबाट हाल कायम चुक्तापुँजीको १ः१ अनुपातमा अर्थात १०० प्रतिशत हकप्रद शेयर जारी गर्ने अनुमति पाएको छ। योसँगै अब कम्पनीले कुल ४० करोड रुपैयाँबराबरको हकप्रद शेयर जारी गर्नेछ। जसअनुसार कम्पनीले आफ्ना शेयरधनीहरुलाई १०० रुपैयाँ अंकित दरका ४० लाख कित्ता साधारण शेयर जारी गर्नेछ।
हकप्रद शेयर बिक्रीपछि कम्पनीको चुक्तापुँजी ८० करोड रुपैयाँ पुग्नेछ। यो कम्पनीको हकप्रद शेयर बिक्री प्रबन्धकमा नबिल इन्भेस्टमेन्ट बैंकिङ रहेको छ।
