काठमाडौं । वर्ष २०८१ नेपाली शेयर बजारका लागि सकारात्मक नै देखियो। वर्ष २०८० को अन्तिम कारोबार दिन २०२५.३० को विन्दुमा बन्द भएको बजार वर्ष २०८१ मा २६६२.०८ को विन्दुमा बन्द भएको छ। वर्ष २०८१ मा नेप्से परिसूचक ३१.४४ प्रतिशतले वृद्धि भएको छ।
वर्ष २०८१ मा कारोबारमा आएका सबै समूहगत परिसूचक बढेका छन्। १३ समूहगत परिसूचकमध्ये व्यापार समूहको परिसूचक सर्वाधिक ६४.४४ प्रतिशतले वृद्धि भएको छ।
त्यस्तै दोस्रोमा लगानी समूहको परिसूचक ४६.७३ प्रतिशतले वृद्धि भएको छ।
वर्ष २०८१ मा सबैभन्दा कम उत्पादन तथा प्रशोधन समूहको परिसूचक ३.९० प्रतिशतले बढेको छ।
