काठमाडौं । नेपाल धितोपत्र बोर्डबाट ट्रेड टावरले आइपीओ निष्कासन गर्ने अनुमति पाएको छ।
धितोपत्र बोर्डले आज चैत २५ ट्रेड टावरलाई आइपीओ ल्याउन अनुमति दिएको हो। योसँगै अब कम्पनीले सर्वसाधारणलाई आइपीओ बिक्री खुला गर्नेछ।
कम्पनीले ३९ करोड ७१ लाख ६९ हजार ३०० रुपैयाँबराबरको आइपीओ ल्याउन अनुमति पाएको छ। जसअनुसार कम्पनीले १०० रुपैयाँ अंकित दरका कुल ३९ लाख ७१ हजार ६९३ कित्ता आइपीओ बिक्री खुला गर्नेछ।
कम्पनीले चुक्तापुँजीको ४८.६९६ प्रतिशतबराबरको आइपीओ ल्याउन लागेको छ। आइपीओ बिक्रीपछि कम्पनीको चुक्तापुँजी ८१ करोड ५६ लाख ९ हजार ७०० रुपैयाँ पुग्नेछ।
ट्रेड टावरको आइपीओ बिक्री प्रबन्धकमा लक्ष्मी सनराइज क्यापिटल रहेको छ।
