काठमाडौं । विश्वकै धनीव्यक्ति एलन मस्कको इलेक्ट्रिक कार निर्माता टेस्ला कम्पनीले बजारबाट सबै साइबर ट्रक फिर्ता मगाएको छ।
बाहिरी प्यानलमा आएको समस्याका कारण टेस्लाले बजारबाट सबै साइबर ट्रक फिर्ता मगाएको हो। यस मोडलको फिर्ता मगाइएको यो आठौँ र सबैभन्दा ठूलो हो।
कम्पनीले बजारबाट फिर्ता मगाएको ४६ हजार साइबर ट्रकमा सबै मोडल समावेश छन्। जुन सन् २०२३ नोभेम्बर १३ देखि २०२५ फेब्रुअरी २७ सम्म बनेका साइबर ट्रक छन्। कम्पनीले साइबर ट्रकको उत्पादन पहिलोपटक सन् २०२३ नोभेम्बर १३ मा गरेको थियो।
अमेरिकाको नेसनल हाइवे ट्राफिक सेफ्टी एडमिनिस्ट्रेसन (एनएचटीएसए)ले आफ्नो प्रतिवेदनमा साइबर ट्रकको विन्डशिल्डको दायाँ र बाँया लगाइएको बाहिरी प्यानल ड्राइभिङका क्रममा छुट्टिन सक्ने चेतावनी दिएको छ।
