काठमाडौं । यो भ्यालेन्टाइन्स डेमा एक युवतीलाई ५०० जनाले भ्यालेन्टाइन्स प्रस्ताव पठाएका छन्। यसबाट अनुमान लगाउन सकिन्छ कि ती युवती कति भाग्यमानी छिन् र अब कसको प्रस्ताव स्वीकार गर्छिन्।
वास्तवमा हामी यहाँ एक सोसल मिडिया इन्फ्लुएन्सरका बारेमा कुरा गर्दैछौँ। जसलाई भ्यालेन्टाइनमा समय बिताउन मानिसबाट प्रस्ताव प्राप्त भइरहेको छ। उनको नाम ‘आइका किट्टी’ हो। उनलाई पेरिसको यात्रा, लक्जरी किनमेल र शानदार रेस्टुरेन्टको भ्रमण गराउने प्रस्ताव गरिएका छ। उनलाई ५०० प्रस्ताव आएका छन् र ५० जना उनसँगै समय बिताउन तयार छन्।
यी सबै बीचमा किट्टीसँग ठूलो समस्या छ। उनले यीमध्ये कुनै पनि प्रस्ताव स्वीकार गर्न सक्ने छैनन्। यसको ठूलो कारण छ। किनकि आइका वास्तविक केटी होइन तर एआई इन्फ्लुएन्सरको नयाँ समूहमध्ये एक हो। जसले इन्टरनेटमा तहल्का मच्चाइरहेको छ। उनका लाखौँ फलोअर छन्।
यो एआई इन्फ्लुएन्सर फ्यानभ्यु प्लेटफर्ममार्फत हरेक दिन करिब ५ लाख रुपैयाँ कमाउँछ। यस एआई इन्फ्लुएन्सरका निर्माताले आइकाले फ्यानभ्युमा मानिसलाई च्याट सेवा प्रदान गर्ने बताए। भ्यालेन्टाइन डेअघि उनीसँग केही गुणस्तरीय समय बिताउन चाहने धेरै साथी छन्, जसको प्रस्ताव पढ्न घन्टा लाग्थ्यो।
यो एआई इन्फ्लुएन्स फ्यानभ्युले बनाइएको हो। यसको निर्माण पछाडिको टोलीले फेब्रुअरी १४ मा दिनको १८ घन्टा काम गर्ने आशा राखेका छन्। जुन आइकाले पाउने मायाको बहावलाई सामना गर्न चाहन्छन्। टोलीले भन्यो, ‘आइकाले लुइस भिटनमा किनमेल गर्न, लन्डनको ठूला रेस्टुरेन्टहरुमध्ये एकमा डिनर र पेरिसको रोमान्टिक यात्राका लागि भ्यालेन्टाइन प्रस्ताव प्राप्त गरेको छ।’
यसअघि आइकाले प्राइभेट जेटमा दुबई जाने निमन्त्रणा र अन्य धेरै छुट्टी निमन्त्रणा प्राप्त गरिसकेको छ। फ्यानभ्यु र इन्स्टाग्रामजस्ता प्लेटफर्ममा आफ्नो डिजिटल यात्रा शेअर गरेर आइकासँग भेट्न चाहने प्रशंसकको ठूलो संख्या छ।
यो भ्यालेन्टाइन्स डेमा आइका विश्वकै भाग्यमानी केटी बन्ने टोलीको विश्वास छ। आइकाजस्ता परियोजनाले विश्वभरका एक्लोपनबाट पीडित मानिसलाई राम्रो सहकार्य प्रदान गर्न सक्षम हुनेछन्। सीएसजीद्वारा गत वर्ष गरिएको अनुसन्धानले भ्यालेन्टाइन डे २०२४ बेलायतमा सबैभन्दा एक्लो दिन भएको पत्ता लगायो। जसमा १० मध्ये ४ जनाले एक्लो भएको स्वीकार गरेका थिए।
यस प्रवृत्तिलाई हेरेर कम्पनीका सदस्य सेवाहरुका विज्ञहरुले यस प्रवृत्तिका कारण एआई इन्फ्लुएन्सर थप लोकप्रिय हुने आशा राख्छन्। फ्यानभ्यूका प्रवक्ताले भने, ‘एआई इन्फ्लुएन्सरहरुले तिनीहरुको जीवन र यात्राका बारेमा सामग्री साझा गर्न एक मानवले जस्तै ठूलो अनलाइन फ्यान आधार निर्माण गर्न सक्षम छन्।’ –एजेन्सी
