काठमाडौं । आशा लघुवित्त वित्तीय संस्थाको साढे २ लाख बढी कित्ता शेयर बिक्रीमा राखिएको छ।
संस्थाको संस्थापक समूहको २ लाख ५९ हजार ७२३ कित्ता शेयर बिक्रीमा राखिएको हो। यो शेयरमा अन्य व्यक्ति तथा संस्थाले खरिद आवेदन दिन सक्नेछन्। यसअघि संस्थाका संस्थापक शेयरधनीहरुका लागि बिक्री खुला गरिएको शेयरमा आंशिकमात्रै खरिद आवेदन परेको संस्थाले जनाएको छ।
बिक्रीमा राखिएको शेयरको न्यूनतम मूल्य प्रतिकित्ता ३०० रुपैयाँ तोकिएको छ। यसको अर्थ लगानीकर्ताले शेयर खरिदका लागि निवेदन दिन न्यूनतम मूल्य वा सोभन्दा बढी बोलकबोल गर्नुपर्नेछ।
शेयर खरिदका लागि ७ दिनभित्र निवेदन दिनुपर्नेछ। निवेदन काभ्रेको साँगास्थित संस्थाको केन्द्रीय कार्यालयमा दिनुपर्नेछ।
