काठमाडौं । गुगलको ई–मेल सेवा जी–मेल हो। जी–मेल विश्वभर लोकप्रिय छ। जी–मेलले एआई ह्याकिङको पुष्टि गरेको छ र आफ्ना २.५ अर्ब प्रयोगकर्तालाई सावधान रहन आग्रह गरेको छ। साइबर स्क्यामरहरुले निकै चलाखी र एआईको सहयोगमा मानिसलाई ठगिरहेको गुगलको भनाइ छ।
साइबर ठगीहरुले प्रायः सोझा मानिसलाई कल गर्छन्। जी–मेल खाता ह्याक गर्न विभिन्न झुट बोल्छन्। एउटा यस्तो तरिका हो, जसमा साइबर स्क्यामरहरुले आफूलाई गुगल एजेन्टहरु बोलाउँछन्।
अज्ञात नम्बरबाट प्रयोगकर्तालाई कल गर्छन् र अमेरिकी भएको बहाना गर्छ। बोल्ने तरिका पनि अमेरिकीजस्तै हुन्छ। यस्तो अवस्थामा धेरै प्रयोगकर्ता ठगिएका छन्। साइबर ठगहरुले जी–मेल प्रयोगकर्तालाई जी–मेल खाता ह्याक भएको बताउँछन्। त्यसपछि तिनीहरुले जी–मेल खाता अटेन्टिकेट गर्न सोध्छन्।
त्यसपछि साइबर ठगहरुले खाता रिकभर गर्ने तरिका पनि बताउँछन्। त्यहाँ तिनीहरुले पूर्ण रुपमा सहयोग गर्ने वाचा गर्छन्। साइबर ठगीको वास्तविक खेल यहीँबाट सुरु हुन्छ।
पीडितले साइबर ठगको कुरामा विश्वास गरेपछि उनीहरुले पीडितलाई ई–मेल पठाउँछन् र त्यसलाई खोल्न र दिइएको लिंकमा क्लिक गर्न भन्छन्। त्यसपछि पीडितले खाता सुरक्षित गर्ने उद्देश्यले त्यो खतरनाक लिंकमा क्लिक गर्ने बित्तिकै साइबर ह्याकरहरुले जी–मेल खातामा पहुँच लिन्छन्। त्यसपछि तिनीहरु लगइन विवरणसहित धेरै डाटा चोरी गर्छन्।
ह्याक क्लबका संस्थापक ज्याक लट्टाले यो घोटाला ठूलो तहको हुनसक्ने बताए । उनले साइबर ह्याकरहरु वास्तविक इन्जिनियरजस्तै सुन्ने र उनको बोल्ने तरिका पनि अमेरिकीजस्तै रहेको बताए। –एजेन्सी
