काठमाडौं । बैंक तथा वित्तीय संस्थाहरुमा निक्षेपको आकार पौने ६७ खर्ब रुपैयाँ माथि पुगेको छ।
नेपाल राष्ट्र बैंकको पछिल्लो तथ्यांअनुसार पुस १६ गतेसम्म बैंक तथा वित्तीय संस्थाको कुल निक्षेप बढेर ६६ खर्ब ७८ अर्ब रुपैयाँ पुगेको हो। अघिल्लो दिनसम्म बैंक तथा वित्तीय संस्थाहरुको कुल निक्षेप ६६ खर्ब ७६ अर्ब रुपैयाँ थियो।
पुस १६ गतेसम्म वाणिज्य बैंकहरुको कुल निक्षेप ५९ खर्ब ४१ अर्ब रुपैयाँ पुगेको छ। अघिल्लो दिनसम्म वाणिज्य बैंकहरुको कुल निक्षेप ५९ खर्ब ३९ अर्ब रुपैयाँ थियो।
बैंक तथा वित्तीय संस्थाको कर्जा लगानी एकैदिन ११ अर्ब रुपैयाँ बढेको छ। अघिल्लो दिनसम्म कुल कर्जा लगानी ५३ खर्ब ५२ अर्ब रुपैयाँ रहेकोमा पुस १६ गतेसम्म बढेर ५३ खर्ब ६३ अर्ब रुपैयाँ पुगेको छ।
पुस १६ गतेसम्म बैंकहरुको औसत सीडी रेसियो ७९.०१ प्रतिशत र अन्तरबैंक ब्याजदर ३ प्रतिशत रहेको छ।
