काठमाडौं । बेलायतमा पहिलोपटक सडकहरुमा एआई क्यामेरा प्रयोगमा ल्याउने तयारी गरिरहेको छ।
विशेषगरी मादक पर्दार्थ सेवा (मापसे) गरी गाडी चलाउनेहरु पत्ता लगाउन एआई क्यामेरा बेलायतले प्रयोगमा ल्याउन लागेको हो।
एआई क्यामेराको पहिलोपटक डेभोन र कर्नवालमा परीक्षण गरिएको छ। यो क्यामेराले मापेस गरेर वा लघुऔषध सेवन गरेर गाडी चलाउनेहरुलाई पहिचान गर्न मद्दत पुग्ने क्यामेरा निर्माता कम्पनीका जीएम जिओफ कोलिन्सले बताए। ‘यो क्यामेराको मद्दतले प्रहरीले तत्कालीन गाडी चालकलाई समातेर मापसे वा लागूऔषध सेवन गरेको वा नगरेको अनुसन्धान गर्न सक्छन्’, उनले भने।
यो एआई क्यामेराको सफल परीक्ष गर्न सकेकोमा आफूहरु उत्साहित रहेको कोलिन्सले बताए। ‘अब यो प्रविधिको प्रयोग गरेर दुर्घटना न्यूनीकरण गर्न सकिन्छ’, उनले भने, ‘यसले सडक दुर्घटनामा अकालमा ज्यान गुम्ने घटना पनि न्यूनीकरण हुन्छ।’
