काठमाडौं । डिशहोमले सैनामैना नगरपालिकाको मुर्गिया क्षेत्रमा नयाँ सेवा केन्द्र उद्घाटन गरेको छ । नगर प्रमुख फणेन्द्र प्रसाद शर्माको प्रमुख आतिथ्यतामा सेवा केन्द्र उद्घाटन गरेको जनाइएको छ ।
नयाँ सेवा केन्द्रले स्थानीय ग्राहकहरूलाई डिशहोमका इन्टरनेट जडान, रिचार्ज र टिभी जडान सेवाहरू उपलब्ध गराउनेछ। यसले स्थानीय ग्राहकहरूको आवश्यकता पूरा गर्न र गुणस्तरीय सेवा प्रदान गर्न मद्दत पुग्ने लक्ष्यका साथ केन्द्र स्थापना गरिएको हो।
उद्घाटन कार्यक्रममा स्थानीय जनप्रतिनिधि, डिशहोमका कर्मचारीहरू र अन्य व्यक्तिहरूको सहभागिता रहेको थियो।
डिशहोमको नयाँ शाखाले सैनामैना नगरपालिकाका नागरिकलाई डिजिटल सेवामा सहज पहुँच पुर्याउन योगदान पुग्ने विश्वास डिशहोमले लिएको छ।
