काठमाडौं । सप्तरी जिल्ला, छिन्नमस्ता गाँउपालिका, सखडा स्थित प्राचिन इतिहास बोकेको शक्तिपीठ छिन्नमस्ता भगवती (सखडा) मन्दिर र कंकालिनी नगरपालिका भारदह स्थित कंकालिनी मन्दिर परिसरमा मंगलबार अभियान लघुवित्त वित्तीय संस्थाले सरसफाई कार्यक्रम सम्पन्न गरेको छ । वित्तीय संस्थाको सप्तरी जिल्लामा रहेका कार्यालयहरु हनुमाननगर, बरमझिया, रुपनी, बोधेबर्साइन शाखाका कर्मचारीहरुले सामुहिक रुपमा सरसफाई कार्यक्रम गरेका हुन ।
उक्त मन्दिरहरुमा हिन्दुहरुको महान चाड दशैको फुलपाती देखि बिषेश घुइँचो लाग्ने भएकोले भक्तजनहरुको सहजताको सरसफाई कार्यक्रम सम्पन्न गरेको संस्थाले जनाएको ।
अभियान लघुवित्त राष्ट्रिय स्तरको लघुवित्त वित्तीय संस्था हो । यसले विभिन्न समयमा यस किसिमको सामाजिक कामहरु गर्दै आईरहेको छ साथै संस्थाले हाल विभिन्न जिल्लामा ६० वटा शाखा कार्यालयहरु मार्फत करीव ३२ हजार जना ग्राहकहरुलाई लघुवित्त सेवा प्रदान गर्दै आईरहेको छ ।
