काठमाडौं । समृद्धि फाइनान्सको नारायणगढ शाखाले शनिवार बृक्षरोपण कार्यक्रम आयोजना गरेको छ । चितवनको भरतपुर १ स्थित प्रज्ञा स्मार्ट पार्कमा विभिन्न फलफूलका बृक्ष रोपण गरिएको थियो ।
कम्पनीले गत हप्ताबाट शुरु भएको बृक्षरोपण कार्यक्रम साउन महिनाभर अन्य शाखा कार्यालयहरुबाट पनि गर्ने योजना रहेको बताएको छ ।
कम्पनीले हाल १३ वटा शाखा कार्यालयमार्फत नगद कारोबार,आरटीजीएस, आईपीएस, कनेक्ट आईपीएस, रेमिटान्स, क्लियरिङ्गलगायतका बैंकिङ्ग सेवा प्रदान गर्दै आएको छ भने मोवाइल बैंकिङ्ग, डेबीट कार्ड, क्यूआर कोड आदि डिजिटल सुविधाहरु निःशुल्क प्रदान गरिरहेको छ ।
