काठमाडौं । डिजिटल वालेटमार्फत् सूर्यज्योति लाइफ इन्स्योरेन्सको नविकरण बीमाशुल्क भुक्तानी गर्नेमध्ये भाग्यशाली विजेताको नाम इन्स्योरेन्सले घोषणा गरेको छ। इन्स्योरेन्सको प्रधान कार्यालयबाट मंगलबार लाइभ कार्यक्रममार्फत् भाग्यशाली विजेताको छनौट गरेको हो ।
असार २४ गतेदेखि ३१ गतेसम्ममा डिजिटल माध्यमबाट नविकरण बीमाशुल्क भुक्तानी गरेका बीमितमध्ये शिला खुलालले एकथान स्मार्ट मोबाइल सेट जित्न सफल भएकी छिन् ।
![](https://insurancekhabar.com/wp-content/uploads/2024/07/Surya-Jyoti-Life.png)
यसैगरी दैनिक उपहार विजेता अन्तर्गत नवराज परियार, लालकाजी तामाङ, दिसाब कार्की,सुमन ढकाल, दिपसागर जिएम, बिर्ख कामी, सुभाष शर्मा र विनोद बहादुर ओली रहेका छन् । दैनिक उपहार विजेताले सूर्यज्योती लाइफको लोगो अंकित ब्याक प्याक ब्याग वा छाता उपहार प्राप्त गर्नेछन् ।
इन्स्योरेन्सले नगद रहित कारोबारलाई प्रोत्साहन गर्न नविकरण बीमाशुल्क भुक्तानीमा उपहार योजना सञ्चालन गरिएको जानकारी दिएको छ। अभियानका क्रममा व्यापक सहभागिताका लागि बीमितलाई धन्यवाद ज्ञापन गरेको छ।