काठमाडौं । आर्थिक वर्ष २०८०।८१ मा निर्जीवन बीमा कम्पनीहरुले ४१ अर्ब रुपैयाँ माथिको व्यापार गरेका छन्। नेपाल बीमा प्राधिकरणको तथ्यांकअनुसार यो १ वर्षको अवधिमा १४ निर्जीवनले ४१ अर्ब १६ करोड ७२ लाख रुपैयाँ कुल बीमाशुल्क आर्जन गरेका हुन्।
तथ्यांकअनुसार आव २०८०।८१ मा सर्वाधिक व्यवसाय गर्नेमा शिखर इन्स्योरेन्स रहेको छ। यो कम्पनीले ५ अर्ब ४७ करोड ३ लाख रुपैयाँ कुल बीमाशुल्क आर्जन गरेको छ।
दोस्रो सर्वाधिक व्यापार गर्नेमा सगरमाथा लुम्बिनी इन्स्योरेन्स रहेको छ। यो कम्पनीले गत आर्थिक वर्षमा ४ अर्ब ७८ करोड रुपैयाँ कुल बीमाशुल्क आर्जन गरेको छ।
कुल बीमाशुल्क आर्जनको हिसाबले सिद्धार्थ प्रिमियर इन्स्योरेन्स तेस्रो स्थानमा रहेको छ। यो कम्पनीले ४ अर्ब १७ करोड ७२ लाख रुपैयाँको व्यापार गरेको छ।
यसैगरी गत आर्थिक वर्षमा हिमालयन एभरेष्ट इन्स्योरेन्स ३ अर्ब ७२ करोड २९ लाख रुपैयाँ, आईजीआई प्रुडेन्सियल इन्स्योरेन्सले ३ अर्ब ६५ करोड ६ लाख रुपैयाँ र नेको इन्स्योरेन्सले ३ अर्ब १४ करोड ११ लाख रुपैयाँ कुल बीमाशुल्क आर्जन गरेका छन्।
यो एक वर्षको अवधिमा युनाइटेड अजोडले २ खर्ब ७२ करोड ७३ लाख रुपैयाँ, सानिमा जीआईसी इन्स्योरेन्सले २ अर्ब ६१ करोड ८५ लाख रुपैयाँ, एनएलजी इन्स्योरेन्सले २ अर्ब ५५ करोड २८ लाख रुपैयाँ र ओरिएन्टल इन्स्योरेन्सले २ अर्ब १६ करोड १५ लाख रुपैयाँ कुल बीमाशुल्क आर्जन गरेका छन्।
त्यस्तै आव २०८०।८१ मा प्रभु इन्स्योरेन्सले १ अर्ब ७७ करोड ७९ लाख रुपैयाँ, नेपाल इन्स्योरेन्सले १ अर्ब ५९ करोड ४ लाख रुपैयाँ, राष्ट्रिय बीमा कम्पनीले १ अर्ब ५८ करोड ९९ लाख रुपैयाँ र नेसनल इन्स्योरेन्सले १ अर्ब १९ करोड ८७ लाख रुपैयाँ कुल बीमाशुल्क आर्जन गरेका छन्।
