काठमाडौं । ह्वाट्सएप एक लोकप्रिय मेसेजिंग एप हो। जुन संसारभर धेरै मन पराइन्छ। अब यो एपमा एउटा नयाँ फिचर आएको छ। जसले प्रयोगकर्तालाई धेरै फाइदा पुग्नेछ।
पछिल्लो रिपोर्टका अनुसार ह्वाट्सएपमा इन–एप डायलर फिचर देखा परेको छ। जसले प्रयोगकर्ताको अनुभव सुधार गर्न मद्दत गर्नेछ। यसबाट प्रयोगकर्ताले कुनै पनि नम्बर सेभ नगरी कल गर्न सक्नेछन्।
ह्वाट्सएपको इन–एप डायलर सुविधा हाल केही बेटा संस्करणहरुमा देखिन्छ। यसको मद्दतले प्रयोगकर्ताले राम्रो कलिङ अनुभव प्राप्त गर्नेछन्। अहिलेसम्म कल गर्नका लागि कुनै पनि प्रयोगकर्ताले आफ्नो नम्बर सेभ गरेर कल गर्नुपर्थ्यो। तर, अब यस्तो हुने छैन। अब डायलप्याडको सहायताले सीधै बोर्डमा लेखिएको कुनै पनि नम्बरमा कल गर्न सकिन्छ।
यस ताजा रिपोर्टको जानकारी डब्ल्यूएबिटाइन्फोद्वारा शेअर गरिएको छ। रिपोर्टका अनुसार कम्पनीले फ्लोटिङ नम्बर प्याड ल्याउनेछ। यो ह्वाट्सएपमा कल गर्न प्रयोग गर्न सकिन्छ। यो सामान्य फोनको डायलप्याड जस्तै हुनेछ, यद्यपि यसलाई पछि अपडेट गर्न सकिन्छ।
धेरै बिटा प्रयोगकर्ताले इन–एप डायलर सुविधा पाउन थालेका छन्, यसका लागि बिटा प्रयोगकर्ताले प्ले स्टोरबाट आफ्नो ह्वाट्सएप अपडेट गर्नुपर्नेछ। यो सुविधा एन्ड्रोइड बिटा संस्करण २.२४.१३.१७ मा देखाइएको छ।
ह्वाट्एसपको इन–एप डायलर सुविधा धेरै उपयोगी साबित हुन सक्छ। यतिमात्र होइन यो एपका लागि गेम चेन्जर फिचर पनि साबित हुन सक्छ। यसको मद्दतले तुरुन्तै कसैसँग कनेक्ट गर्न सकिन्छ। अर्थात कुनै पनि नम्बर सुरक्षित नगरी डायलर प्याडको मद्दतले सीधै कल गर्न सकिन्छ।
