काठमाडौं । अधिक तरलता व्यवस्थापन गर्न नेपाल राष्ट्र बैंकले यो जेठ महिनामा बैंकिङ प्रणालीबाट लगातार पैसा तानेको छ। जेठमा आजसहित ११ पटक निक्षेप संकलन उपकरण प्रयोग गर्दै केन्द्रीय बैंकले ३ खर्ब ५० अर्ब रुपैयाँ तानेको हो।
अहिले अन्तरबैंक ब्याजदर ३ प्रतिशतभन्दा तल रहेको छ। यो अवस्थामा राष्ट्र बैंकले तरलता व्यवस्थापन गर्न निक्षेप संकलन उपकरण प्रयोग गर्नुपर्ने हुन्छ।
जेठमा केन्द्रीय बैंकले न्यूनतम १० अर्ब रुपैयाँदेखि अधिकतममा ५० अर्ब रुपैयाँसम्म बैंकिङ प्रणालीबाट तानेको छ। बैंकले भने ३ प्रतिशतको आसपासको न्यूनतम ब्याजदरमै राष्ट्र बैंकलाई पैसा दिन बाध्य भएका छन्।
निक्षेप बढ्नु र कर्जाको माग नबढ्नु बैंकिङ प्रणालीमा पैसा बढेको बढ्यै रहेको छ।
