काठमाडौं । कृषि विकास बैंकले आफ्ना शेयरधनीहरुलाई लाभांश बुझिलिन आग्रह गरेको छ । बैंकले लाभांश रकम भुक्तानी लिन बाँकी रहेका शेयरधनीलाई बुझिलिन आग्रह गरेको हो । लाभांश प्रयोजनका लागि शेयरधनीहरुलाई अविलम्ब शेयर अभौतिकिकरण गर्न अनुरोध गरेको हो ।
कम्पनीले विभिन्न साधारण सभाहरुबाट पारित भएको नगद लाभांश रकम शेयरधनीहरुको हितग्राही खातामा रहेको बैंक खातामा जम्मा हुने व्यवस्था गरेको जनाएको छ ।
कम्पनीले हालसम्म पनि हितग्राही खातामा बैंक खाता अद्यावधिक नगराएका शेयरधनीलाई कुनै पनि बैंक तथा वित्तीय संस्थामा रहेको आफ्नो खाता नम्बरसहितको विवरण अद्यावधिक गराउन आग्रह गरेको छ ।
कम्पनीले यथाशीघ्र आफूले डिम्याट खाता खोलेको सम्बन्धित निक्षेप सदस्यमा सम्पर्क गरी शेयर प्रमाणपत्र अभौतिकिकरण गर्न आग्रह गरेको छ ।
कम्पनीले पाँच वर्षसम्म पनि कुनै लगानीकर्ताको दाबी प्रस्तुत नभएका लाभांश रकम कम्पनी रजिष्ट्रारको कार्यालय अन्तर्गत रहेको लगानीकर्ता संरक्षण कोषमा जम्मा गरिने पनि बताएको छ ।
