काठमाडौं । विपक्षीको विरोधका बाबजुद प्रतिनिधिसभामा आज सरकारको नीति तथा कार्यक्रम पारित भएको छ।
प्रतिनिधिसभामा आज अर्थमन्त्री वर्षमान पुनले आगामी आर्थिक वर्षको नीति तथा कार्यक्रम पेस गरेका थिए। त्यसमा आफ्नो धारणा राख्न सांसदहरुलाई समय दिइएको थियो।
प्रमुख प्रतिपक्षी नेपाली कांग्रेसलगायतका दलले पनि सहकारीका विषयमा उठेका मुद्दालाई लिएर संसदमा नाराबाजी गरेका थिए। तर, नाराबाजीका बाबुजद संसदबाट नीति तथा कार्यक्रम पारित भएको छ।
प्रतिनिधिसभाको अर्को बैठक जेठ १५ गते मंगलबार दिउँसो ४ बजेका लागि बोलाइएको छ। सो दिन सरकारले आगामी आर्थिक वर्षको बजेट प्रस्तुत गर्नेछ। जेठ १५ गते बजेट पेस गर्ने संवैधानिक प्रावधान रहेको छ। बजेट दिउँसो १ बजे प्रस्तुत भएपछि प्रतिनिधिसभाको बैठक बस्नेछ।
