काठमाडौं । ह्वाट्सएपमा धेरै विशेष फिचर उपलब्ध छन्। जसका बारेमा धेरै कम प्रयोगकर्तालाई थाहा होला। अहिले हामी ह्वाट्सएपको प्रोक्सी फिचरका बारेमा कुरा गर्दैछौँ। जुन कम्पनीले गत वर्ष सुरु गरेको थियो। यो फिचरको मद्दतले प्रयोगकर्ताले इन्टरनेटमा जडान नभएको अवस्थामा पनि ह्वाट्सएप प्रयोग गर्न सक्नेछन्।
यसका लागि प्रयोगकर्ताले आफ्नो ह्वाट्सएपलाई प्रोक्सी नेटवर्कमा जडान गर्नुपर्नेछ। प्रोक्सी प्रयोग गर्दा प्रयोगकर्ताको उच्चस्तरीय गोपनीयता र सुरक्षामा कुनै असर नपर्ने कम्पनीले जनाएको छ। प्रयोगकर्ताका कल र म्यासेज इन्ड–टु–इन्ड इन्क्रिप्टेड रहनेछन्। यसको मतलब प्रोक्सीमार्फत ह्वाट्सएप एक्सेस गरेपछि पनि अरु कोही प्रयोगकर्ताको म्यासेज र कलहरुमा पहुँच गर्न सक्षम हुने छैन।
प्रोक्सीमा ह्वाट्सएप कसरी जडान गर्ने ?
सबैभन्दा पहिले प्रयोगकर्तासँग ह्वाट्सएपको अपडेटेड भर्जन हुनुपर्छ। यदि प्रयोगकर्तासँग ह्वाट्सएपको लेटेस्ट भर्जन छ भने एप खोल्नुपर्छ। त्यसपछि प्रयोगकर्ताले माथि देखिएका तीनवटा डटमा क्लिक गर्नुपर्नेछ। त्यहाँ प्रयोगकर्ताले सेटिङको अप्सन पाउनेछन्। त्यसमा क्लिक गर्दा प्रयोगकर्ताले स्टोरेज र डाटाको अप्सन पाउनेछन्। त्यहाँ क्लिक गरेपछि प्रयोगकर्ताले प्रोक्सीमा जानुपर्छ। अब प्रयोगकर्ताले ‘युज प्रोक्सी’मा क्लिक गर्नुपर्नेछ। त्यसपछि ‘सेट प्रोक्सी’मा ट्याप गर्नुपर्नेछ र प्रोक्सी एड्रेस इन्ट्री गर्नुपर्नेछ।
त्यसपछि प्रयोगकर्ताले त्यो एड्रेस सेभ गर्नुपर्छ। यदि प्रयोगकर्ताले एड्रेस इन्ट्री गरेपछि ग्रिन चेक मार्क देखियो भने यसको मतलब प्रयोगकर्ताको प्रोक्सी नेटवर्कमा कनेक्ट भइसकेको छ।
यदि प्रयोगकर्ताको प्रोक्सी नेटवर्कमा कनेक्ट गरिसकेपछि पनि म्यासेज पठाउन वा कल गर्न असमर्थ भयो भने यो सम्भव छ कि प्रयोगकर्ताको प्रोक्सी नेटवर्क ब्लक गरिएको छ। प्रयोगकर्ताले लामो समयसम्म थिचेर ब्लक प्रोक्सी नेटवर्क मेटाउन सक्नेछन् र त्यसपछि नयाँ प्रोक्सी एड्रेस थप्न सक्नेछन्।
प्रोक्सी नेटवर्क कसरी प्राप्त गर्ने ?
प्रयोगकर्ताले सामाजिक मिडिया प्लेटफर्म वा सर्च इन्जिनहरुको मद्दतले प्रोक्सी नेटवर्क खोज्न सक्छन्। यद्यपि, यस्तो नेटवर्क प्रयोग गर्दा यो एक विश्वसनीय सोर्समार्फत क्रिएट गरिएको हो कि होइन भन्ने कुरामा ध्यान दिनुपर्छ।#
